Kalibo, Aklan — Arestado rong sangka misis matapos nga madakpang nagpang shoplift sa Gaisano Capital Kalibo nga nahamtang sa Brgy. Andagao, Kalibo, Aklan kahapon it udtro adlaw.
Nakilaea ro nasambit nga misis kay Angela Buliag y Jemiela, 42-anyos ag tubong Talisay, Negros, Occidental ag presente nga naga istar sa Brgy. Manocmanoc, Boracay, Malay, Aklan.
Sa report it Kalibo PNP nga nakabaton sanda it tawag halin sa HR kung nasambit nga mall nga may una nga natabong shoplifting ag insigida man nga gin repondehan ko mga kapulisan.
Sa imbestigasyon naga guwa nga rayang suspek hay nag order it sangka Menghani Casio wristwatch nga nagabalor it P1,495.00 ag Cardigan shirt nga naga balor it P319.00 pesos.
Pagkatapos kara imaw nag pila sa unang casher nga anang ginpaeapitan, maangan-angan hay sumaylo imaw sa daywa pa gid ka mga casher pero uwa gid imaw nakabayad, gumuwa sa Department Store ag umadto sa CR.
Pag guwa it suspek ag mahana eon nga mapanaw dikara eon imaw gin approach it gwardya ag ns recover kana ro mga items.
Insigida imaw gindaea sa opisina it HR ag ginbuoe ro mga items sa anang shoulder bag.
Si Buliag hay detained sa lock-up cell it Kalibo PNP para sa nagakaigo nga disposisyon.
