Davao City – Midangop ang duha ka mga babaye nga mag live-in partner sa kapolisan sa San Pedro human nagbugno tungod lang sa account sa social media.
Sa pakighinabi ni RadyoMaN Paul Canono sa usa ka babaye nga giilang si alyas Emma buot na niyang makigbulag sa iyang ka live-in nga mao si alyas Narda bisan pa man sa kataas na sa ilang panag ipon nga muabot na og halos pulo na ka tuig.
Nagsumikad ang ilang away sa usa ka mensahe sa Facebook nga iyang nasuta nga ang iyang live-in partner nga si Narda nakauyab na og lalaki.
Gumikan niini, nag selos si Emma ug buot niyang kuhaon ang cellphone ni Narda apan nagdumili kini sa paghatag ug nisangpot sa panagbugno ug panag inilogay na og kutsilyo hangtod nga gipaak siya sa tuong bahin sa iyang kamot hinungdan sa paghubag niini.
Hinoon nagkasinabut ang duha nga magpatala sa kapolisan ug nangayo sila og legal advice aron nga hingpit na gayud nilang tapuson ang ilang relasyon.
Gipasa na ang duruha ka mga babayi sa Women and Children’s Desk aron mahusay ang maong panagbangi.
RadyoMaN Paul Canono
