Patay ang usa babaye human gipusil sa Upper Puerto ning syudad sa Cagayan de Oro mga alas nuybe sa gabie.
Matud ni Chief Inspector Evan Viñas, Hepe sa Puerto Police Station nga ang biktima mao ang 30 anyos nga si Loren Palabati taga Upper Puerto.
Gibutyag ni Viñas nga si Palabati gipusil sa nagmaskara ug wala mailang suspek sa wala pa masayring hinungdan.
Matud ni Viñas nga bala sa 45 Caliber nga pistola ang gigamit sa pagpatay sa biktima.
Gibutyag usab ni Viña nga sa dihang gipusil ang biktima sulod sa iyang balay, gidali dayon kini pagdala sa Sabal Hospital sa Barangay Puerto sa iyang mga silingan apan patay na kining niabot sa maong ospital.
Na-recover sa mga pulis sa crime scene ang lima ka basiyo sa Caliber 45 pistol ug naa na kini karon sa ilang kustodiya sa Puerto Police Station
