Babaye gipusil samtang nagtagay

42

Pagadian City – Gipriso na karon sa Pagadian City Police Station custodial facility ang 27-anyos nga lalaki nga responsable sa pagpamusil didto sa Purok Talong, Barangay Lumad ning syudad sa Pagadian alas 8:30 kagabii. Giandam na sa kapulisan ang kaso nga isang-at batok sa suspek nga si Marvin Carbajosa Oriel, 27-anyos, residente sa nasangpit nga lugar.
Sa inisyal nga imbestigasyon nasayran nga gipusil sa suspek ang biktima nga si Marissa Belloan Bernaldo alyas. “marissa”, 44 -anyos lumulupyo sa nasangpit nga lugar. Nag-inom matud pa ang biktima og inahan sa suspek nga si Mercedita Carbajosa Oriel sasari-sari store sulod sa oriel residence apan nisangko sa init nga panaglalis ang panagtagay hangtud nga niabot ang suspek og gipusil si Bernaldo.
Largong gidala sa Zamboanga Del Sur Medical Center (ZDSMC) ang biktima dihang nakahi-agom og samad pinusilan sa iyang tou nga bukton. Ang suspek nadakpan sa otoridad apan walay armas nga nakuha sa posisyon sa suspek apan nakuha sa crime scene ang caliber 45 pistol.

Facebook Comments