Davao City – Nagpakitabang sa Sta. Ana PNP ang usa ka service technician sa hotel and kitchen restaurant nga si Abigail Vergado Villamor, temporaryong nagapuyo sa usa ka apartment nga nahimutang sa Brgy. 33-D Kalye Putol ning siyudad, gumikan gisulod sa wala mailhing kawatan ang iyang kwarto ug gipangkawat ang iyang mga gamit ug cash.
Sumala pa sa report nga mga bandang alas 11:00 kagabii sa dihang nakatulog kini ang biktima nga napasagdan nga abli ang pultahan.
Sa pagmata sa complainant bandang alas 4:00 sa kawlawon, nasayran niini nga nawagtang na ang iyang cellphone, pressure gauge ug bowl gasket nga mosumada sa dul-an 10,000 ka pesos.
Nakuha pod sa kawatan ang cash niini nga 3000 pesos ug gibitbit usab ang mga importanteng dukomento sa complainant.
Naglisod sa pagrekober ang complainant gumikan walay CCTV nga gimontar sa maong lugar ug mga motestigo aron mao unta ang makahatag og lead ngadto sa suspek.
RadyoMaN Paul Canono
