Davao City- Gituhoang giataki sa high blood nga miresulta sa kamatayon ang usa ka babayi tungod sa gibating kalipay kauban ang usa ka lalaki sulod sa hotel sa dalang Claveria, syudad sa Davao.
Sa gihimong imbestigasyon sa kapolisan sa San Pedro, ang biktima giila nga usa ka alyas Juanita, 41 anyos taga Buhangin District, Davao City samtang ang lalaking iyang gikauban mao si alyas Rey, 38 anyos, usa ka security guard.
Sumala pa , alas 4:30 kagahapon sa hapon nagcheck in sa usa ka hotel ang duha. Human sa ilang kumbati nakatulog kini apan pagmata ni Rey pagka alas-7:00 sa gabii nadiskobrehan na lamang niya nga wa na maglihuk ug nagbula na ang baba ni Juanita.
Tungod niini, nangayo ug pakitabang si Rey sa mga kawani sa maong Hotel ug mitawag sa 911 Medical Team. Sa dihang gisusi ang lawas ni Juanita, ilang nasuta nga wa nay kinabuhi ang biktima ug gitohoang giataki kini sa high blood. Ang patay’ng lawas sa biktima gikatakdang ipailawom sa autopsiya aron masuta ang tinuod nga hinungdan sa iyang kamatayon.
Kasamang Paul Canono
tags:Mindanao, Davao City, DXDC, DXDC 621, Paul Canono, Unang Radyo Unang Balita, San Pedro PNP
