Davao City – Usa ka punoan sa kamunggay ang nakasalbar sa klaro nga kamatayon sa usa ka ginang human nasunog ang ilang balay sa Purok 12, St. Jhon, Bucana syudad sa Davao kagabii.
Sa gihimong inteview sa DXDC RMN Davao, gibutayag ni Pebrita Lawan, hamtong ang edad ug nagpuyo sa maong lugar, kalit lamang mibuto ang extention wire sa dihang iyang gisaksak nga miresulta sa pagdako sa kalayo human nasunog ang styro foam sa iyang kisame,.
Hinoon wala siya mataranta ug iyang gisulayan og palong ang kalayo base sa iyang nakat-unan sa mga training ug seminar kabahin sa pagpakgang sa sunog hinungdang wala makadako pag-ayo ang kalayo.
Matud ni Lawan, nakatabang usab ang punoan sa kamunggay sa kilid sa ilang balay tungod kay didto siya mikatkat padulong sa atop aron makalingkawas sa kamatayon.
Base sa imbestigasyon sa Bureau of Fire (BFP), mikabat sa 600-mil ka pesos ang nahimong damyos sa maong sunog.
RadyoMaN Bernard Pantallon
