Roxas City, Capiz- Napuhag ang isa ka pamilya sa isa ka lugar diri sa Roxas City sang nadiskubrehan nga gina-lingling sang wala makilala nga suspek ang naga-panibin nga ginang mga alas 9 sang gab-i.
Suno sa wala ginhingadlan nga ginang, posible nga nagsaka sa isa ka puno sang kahoy ang suspek kag didto nagtamwa sa bintana sang banyo samtang siya ang nagapaligo.
Nahibaluan nga maulanon ang panahon kag nagapangilat sang nasambitan nga inoras.
Naglantaw ang biktima sa bintana sang banyo kag didto niya nakit-an ang ulo kag nagamurarat nga mata sang suspetsado.
Suno pa diri nga diin natulon pa sini ang toothpaste samtang nagapanipilyo bangud sa tuman nga kahadlok kag kakibot.
Matapos nga mapuhag ang tanan, insigida nga naglumpat sa ginsakaan nga kahoy ang suspek kag nagsakay sa di- bugsay nga baroto antes nga nagpalagyo sa lugar.
