Sa interbyu sa DXDC RMN Davao kang Police Corporal Andrey Sedullo, Operation Clerk sa Sto. Tomas Municipal Police Station (MPS), giila niini ang biktima nga si Rowena Ramirez, 30 anyos, ug residente sa nahisgutang lugar. Samtang ang suspek mao si alyas “JR”, 31 anyos, construction worker, ug residente sa Tibulao, Carmen, Davao del Norte.
Saysay sa pulis, gikan nag-inom ang duha ug didto na nahitabo ang ilang lalis gumikan sa selos sa biktima.
“Ingon pa sa kuan (suspek), nagselos ang babae unya gibunlot iyang kwentas. Mao ‘to naglagot siya,” saysay ni Sedullo.
Subay sa inbestigasyon naay nakitang banana dried strap nga gihigot sa liog sa biktima nga maoy nakitang posibleng hinungdan sa iyang kamatayon.
Gilayong naglusad og manhunt operation ang kapulisan ug naaresto ang suspek sa susamang adlaw.
Anaa na ang dinakpan sa Sto. Tomas MPS ug mag-atubang og tukmang kaso.
RadyoMaN Kirby Manzon
