Mahayag, Zamboanga del Sur – Dakpan sa gilusad nga manhunt operation sa kapulisan sa lungsod sa Mahayag ang 52 anyos nga babaye nag-atubang sa kasong estafa.
Gikasa ang moang operasyon alas 8:00 sa kaganihang buntag didtong dapita sa Purok 5, Brgy. Boniao, Mahayag, Zamboanga del Sur.
Malampuson nga nasikop ang target nga si Elsa Camus Loyola, bulag sa bana og residente sa nahisgutan nga lugar.
Armado ang otoridad sa warrant of arrest batok sa suspek sa kasong Estafa nga gipagawas ni Judge Crislyn Pangindian sa 11th MCTC sa Mahayag-Dumingag-Josefina, Mahayag, Zamboanga del Sur.
Ang dinakpan kasamtangan nga gitangong sa Mahayag Municipal Police Station samtang naghulat sa sunod nga mando ug lakang sa korte.
Nasayran sa RMN DXPR Pagadian nga mobalor sa 10,000 ka pesos ang pyansa nga girekomenda korte bugti sa temporaryo nga kagawasan sa dinakpan.
