Davao City – Mipatim-aw sa buhatan sa kapulisan ang usa ka ginang human gidaot ang iyang pagkatawo pinaagi sa text message.
Sa blotter sa Talomo PNP, mireklamo si alyas Myrna, 40 anyos, nagpuyo sa Arroyo Compound Barangay Matina, Davao City, human makadawat og dili maayo nga mga mensahe sa cellphone.
Giubanan si alyas Myrna sa iyang live-in partner nga si alyas Bobong aron nga ireklamo ang live-in partner ni Ruben Binoya 43, anyos taxi, driver, nagpuyo sa Shrine Hills Matina Davao City, tungod sa paghingalan kang alyas Myrna og dili maayo.
Gibutyag ni alyas Myrna nga sakit sa iyang buot nga akusahan sa maong mga pulong tungod kay makapamatuod ang iyang live-in partner nga si alyas Bobong nga bakak ang akusasyon.
Gitambagan sa mga pulis ang mag live-in partner nga dad-on ang ilang reklamo sa barangay aron didto ipatawag ang wala mailhing asawa ni Ruben Binoya nga maoy nag-akusar kang alyas Myrna.
RadyoMaN Erin Lumosbog
