GENERAL SANTOS CITY- Dead on the spot ang babaye nga angkas sa motorsiklo Byernes sa gabie human miambak paingon sa ligid sa nagdagan nga trailer truck sa National Highway, Purok San Miguel, Barangay Calumpang, Gensan.
Wala pa mailhan ang babaye nga anaa sa punerarya human mabuak ang iyang ulo tungod sa paglatay sa ligid.
Sumala sa drayber sa motorsiklo nga si Bryan Daniel, 27 anyos, residente sa Barangay Libi, Malapatan, Sarangani Province gipara siya sa biktima pahatod sa ilang panimalay.
Anaa sa impluwensya sa ilimnong makahubog ang babaye nga nangilog pa og manebela sa drayber.
Giingon sa babaye ngadto sa drayber sa motorsiklo nga gusto niini magpakamatay pinaagi sa pagbunggo ngadto sa trailer truck.
Ang drayber sa trailer truck nga si Romeo Somong, 47 anyos nga taga Banga, South Cotabato.
Sumala sa Traffic Investigator nga si PSSg Marven Roy Cloma parehong temporaryo gikustodiya ang mga drayber sa nalambigit nga sakyanan samtang gi-impound ang ilang mga sakyanan.
For more info’s and updates, like and share our official facebook account : www.facebook.com/ifm91.9Gensanofficial/
[image: nalatayan ug truck.jpg]
