Niadtong September 22, 2025, nagplano siya nga mangutang og ₱50,000 gikan sa usa ka lending corporation. Apan gipangayoan siya og deposito isip “verification requirement”.
Tungod sa iyang pagsalig, nagdeposito siya og unang ₱5,000 pinaagi sa online Instapay ug nadawat usab ang usa ka one-time password (OTP). Apan samtang nagproseso, nasayop siya og input sa loan amount ug nahimong ₱55.00 lang. Aron mopadayon, gisultihan siya nga kinahanglan magdeposito og dugang ₱20,000 alang sa “OTP renewal.” Mituman siya apan napakyas gihapon ang transaksyon.
Gisulti usab kaniya nga “OTP renewal” ug dili fund transfer ang buhaton. Nangayo pag-usab ang lender og bag-ong OTP apan nangayo na usab og deposito nga ₱2,000. Napakyas gihapon ang transaksyon.
Human niini, giingnan siya nga maghulog og ₱50,000 aron makompleto ang proseso. Didto na siya nakabantay nga posibleng scam ang maong lending scheme kay bisan pila na ka beses siya nagdeposito, wala gihapon na-release ang iyang loan.
Gipanubayan na sa otoridad ang reklamo ug gipasidan-an ang publiko nga magbantay batok sa mga online lending nga nagapangayo og deposito nga walay klarong basihanan.
RadyoMaN Kareen Beltran
