EXTRA WOW BALITA – Isa ka babaye sa South Korea ang nangin sikat matapos nakig-date ini sa halos 200 ka nagkalain-lain nga mga lalaki sa sulod lamang sang duha ka tuig.
Suno kay Han Mirim, gilayon siya nga nagapakig-break sa mga lalaki nga indi willing maghatag sa iya sang malahalon nga regalo.
Suno sa iya nga may mga kahigayunan nga una pa lang nga adlaw nagapakig-break na siya sa iya nangin boyfriend bangud luyag sang iban sa mga ini nga tunga sila sa balayran sang ila ginkaon sa restaurant.
Suno kay Mirim, wala man nagalawig ang iya mga relasyon bangud indi masarangan susteneron sang iya mga nangin boyfriend ang iya financial demands.
Kon sumahon kuno, nagalab-ot na sa 92,000 dollars ang balor sang nabaton niya nga mga alahas, bayo kag gadgets halin sa mga lalaki nga iya naka-date.
Kag agud mangin sikat, nagpasugot si Mirim nga i-feature sa isa ka sikat nga Korean TV show ang iya pinasahi nga experiensya sa paghigugma.
Subong man sa pihak sang iya pagsikat, nakaagum naman siya sang negatibo nga mga komento sa social media.
Photo from web
