Davao City – Napalgang-patay ang usa ka 20-ayos nga babayeng buntis sulod sa usa ka boarding house sa may SIR Phase 1 New Matina ning siyudad sa Davao.
Subay sa report sa Talomo PNP, miabot kanila ang report nga dunay usa ka patay’ng lawas nga nakita sa nahisgutan nga lugar.
Didto nasayran nga ang biktima mao si alyas Teresa, usa ka accountancy student nga taga-Banay-banay, Davao Oriental.
Naabtan kini sa girentahang kwarto sa uyab sa biktima nga si alyas Rod, 18 anyos, taga Bayanihan Limbahan, Lupon, Davao Oriental.
Nasayran nga 6-7 ka bulan nga buntis ang biktima ug gisaysay sa iyang uyab nga mi-inom kini ug mifestrone tablet nga pampakuha sa bata gumikan dili kini gusto moatubang og obligasyon gani misangpot na hinoon sa kamatayon.
Ang patay’ng lawas sa biktima gidala na ngadto sa Anghel Funeral Parlor aron ipailawom sa awtopsiya.
RadyoMaN Paul Canono
