Davao City – Daw sama sa nag-alburutong Bulkang Mayon ang kasuko sa usa ka dalaga samtang nagpatala sa Buhangin PNP.
Matud ni Alyas Karina, 29 anyos, dalaga, ug nagpuyo sa Harmony Subdivision, Cabantian nga usa ka glass installer ang gusto makighilawas kaniya bugti sa kantidad nga ibayad butang nga wala magustohi niini tungod gipakasusama kini sa mga babaye nga gabaligya og unod.
Segun ni Alyas Karina nga mi-text ang suspek nga si Alyas Winston, hamtong ang pangidaron ug nanghagad nga mag-motel sila.
Ang gikasuk-an pa ni Alyas Karina mao ang gisulti sa suspek nga andam kini mubayad og P1,000 kung i-‘blow job’ ang kinatawo sa suspek.
Dugang pa sa suspek nga kung dawaton sa biktima ang lawasnong tanyag hayan dili bation og pagmahay ang complainant tungod sa katagbawan sa unodnong kalipay.
Saysay ni Karina, buwan sa Hunyo aning tuiga, dihang gikuha ang serbisyo sa suspek pinaagi sa pagtaod og jealousy sa bintana sa ilang balay ug nangayo og number si Winston kaniya apan wala damha niini nga duna na diay sekswal nga motibo ngadto kaniya ang suspetsado.
RadyoMaN Joel Viray
