Babayeng Gi-Obserbahan Sa Nmmc Sa Cagayan De Oro, Negatibo Sa Merscov

28

Nag-negatibo sa sakit nga Middle East Respiratory Syndrome Corona Virus kon MERS-COV ang usa ka 36 anyos nga babae nga giingong nakitaan sa sintomas sa maong sakit.

Kini ang gikompirma ni Cagayan de Oro City Councilor Dante Pajo ang Chairman sa Committee on Health and Sanitation sa konseho.

Matud ni Konsehal Pajo nga sa karon nagpabilin gihapon sa Northern Mindanao Medical Center kon NMMC ang maong pasyente tungod sa sakit niini nga tuberculosis kon TB.

Tungod niini malipayon si Konsehal Pajo sa migawas nga nagresulta tungod kay dili  ti-aw ang sakit nga MERS-COV. 

Nasayran nga migawas ang resulta gikan sa National Reference Laboratory o Research Institute for Tropical Medicine kon RITM sa Alabang Muntinlupa City niadtong adlaw ng Sabado.

Samtang gibutyag sa konsehal nga nakabulabog, nakahatag sa kabalaka sa katawhan ug nakahatag dili maayong impresyon sa Cagayan de Oro ang mga forwarded text ug mga mensahe nga migawas sa social media kalabot na sa sakit nga MER-COV.

Tungod niini naghangyo karon si Konsehal Pajo sa katawhan ning syudad nga undangon na ang pag-sige og forward sa mga mensahe tungod kay migawas na ang resulta gikan sa kaulohan nga nagnegatibo ang nasangpit nga pasyente.

Giklaro usab ni Pajo nga bisan og dili angay nga kahadlokan ang sakit nga tuberculosis apan kinahanglan gihapon nga magmaigmat ang katawhan.

Facebook Comments