Davao City – Dili mao ang babayeng na-intercept sa Roxas Avenue ning syudad ang ni-eskapo sa iyang Quarantine Facility, matud ni Davao City Police Office (DCPO) Spokesperson Police Capt. Rosario Aguilar.
Sumala ni Aguilar, ang maong babayeng na-rescue dunay diperensya sa pangisip ug gikuha na sa iyang bana nga taga-Bankerohan, dakbayan sa Davao.
“Naa tay na rescue nga mentally challenged kadtong naa sa may Roxas Ave pero dili mao ang ginaingon ninyo nga suspetsado sa COVID kay naa man iyang bana, naa didto nga nagpaila nga mao to’y iyang bana so gihatod na kini sa ilang panimalay,” saysay ni Aguilar.
Tungod niini nagpasidaan si Aguilar sa katawhan nga dili dayon magpost og mga video sa social media ilabi na kung dili sigurado kay makahatag hinuon kini’g kahadlok sa publiko.
RadyoMaN Don Pulayao
