Davao City – Posibleng mag-atubang og kasong attempted arson ang usa ka boarder human niya gisunog iyang damit sulod sa iyang girentahan nga panimalay alas-4 sa kahaponon sa Barangay 76-A Bucana ning syudad.
Base sa blotter sa San Pedro PNP ang complainant naila sa pangalang usa ka Flordeliza Manayon, 48 anyos, tag-iya sa nahisgutang boarding house samtang ang respondent mao si Dulay Ambang, 27 anyos.
Matud pa samtang si Ambang anaa sa iyang girentahan nga boarding house kalit niyang gisunog ang iyang sinina hinungdan nga nangayo og tabang ang inahan ug daling napawong ang kalayo.
Human sa hitabo ang respondent daling gisikop sa usa ka head sa katarungang pambarangay nga gi-endorso sa kapolisan sa San Pedro samtang ang mga police naghulat nalang sa complainant kun mofile ba og kaso batok sa suspek.
RadyoMaN Don Pulayao
