Gisikop atol sa drug buy bust operation sa Carmen Police station ang usa ka babayeng nagbaligya sa illegal drug kagahapon sa Barangay Macabalan.
Si Carmen Police Chief, Police Major Ian Borinaga, mipa-ila sa suspect nga si Myrna Orquilla, 50 anyos nga residente sa Barra Macabalan ning syudad sa Cagayan de Oro.
Matud ni Borinaga nga  si Orquilla ilang nasapon sa drug buy bust operation alas 5:45 kagahapon sa hapon.
Nakuha gikan sa maong suspect ang duha ka pakite nga suspected SHABU nga mokabat sa kapin kon kulang nuybe mil pesos.
Na-imbargo usab gikan sa maong suspect ang buy bust money nga usa ka libo ka pesos.
Ang maong suspect gi-detain sa Maharlika detention cell ug karong adlawa gitakda nga pasakaan na og kasong illegal drug pushing.
