Sa pakighinabi sa DXDC RMN Davao kang Ayumi Belen Maitem, kauban sa babayeng nalumos kinsa nakasaksi usab sa nahitabo, iyahang gibutyag nga samtang nalingaw sila sa dagat, wala sila nasayod nga diay kadto kantilado ug ginaanod na sa dagko nga balod.
Gituohan ni Maitem nga nagsakripisyo si Joan ug gitulak padulong kaniya ang mga kauban nilang bata aron dili kini malumos ug didto niya sila naluwas. Dugang pa nga naglisod sab sila og tabang tungod walay lifesavers sa area ug ulahi na miabot ang rescue.
Dugang post pa sa kabanay sa biktima nga si Airene Naparan nga sakit man apan itugyan na nila ang kinabuhi niini tungod nagpaka-ate kini sa mga igsuon ug sa uban pang mga bata aron dili maanod. Ug humana matud pa ang misyon niini sa kalibutan.
“Salamat kaayo ate sa pag save nimo sa akoang mga manghud very genuine kaayo imong pag love sa amoa,To the point nga andam ka mamatay para lng ma ligtas atong mga manghud,” post sad sa igsuon nga si Alfred Jake.
Gisuwayan usab og kuha sa DXDC RMN Davao ang bahin sa Coast Guard Baganga ug aron ikumpirma sab kung aduna bay kamatuoran nga duha ang nalumos niadtong tungora apan sa pagkakaron, dili pa ma-contact ang linya nila.
RadyoMaN Ivy Parido
