Davao City- Mireklamo sa kapolisan sa Talomo ang usa ka 54 anyos nga ginang human kini mapaaki og iro sa ilang silingan.
Ang complainant mao si Mrs. Virginia Yucor Roxas usa ka housewife nga taga San Antonio, Matina ning siyudad.
Sumala pa nga niadtong miaging adlaw migawas ang complainant sa ilang panimalay ug wala damha niini nga nakabuhi ang iro sa ilang silingan ug gipaak ang walang bahin sa iyang batiis.
Ang tag iya sa maong iro giila nga si Monas Costales, 25 anyos.
Wala na gipaabot sa kabanay sa biktima nga muhatag og cash assistance si Costale ug midiretso na kini pag pa inject og anti rabies ngadto sa pinaka duol nga balay tambalanan ug migasto kini og P1,000.00.
Sa pagsubay balik ngadto sa tag iya sa binuhing iro ug gipaninglan kini sa ilang responsibilidad mibalibad kini sa paghatag sa salapi bisan pa man sa resibo nga dala sa biktima ug gisaaran nga mubayad sa sunod nga adlaw.
Wala maka angay ang biktima sa gipakita nga asta sa mga respondents hinungdan nga iya kining gireklamo sa kapolisan sa Talomo.
Ang kaso gipasang-at una sa barangay level.
RadyoMan Paul Canono
