Davao City – Midangop sa kapolisan ang usa ka 43 anyos nga babayeng OFW human kini gikulata sa iyang live-in partner nga usa ka foreigner.
Ang biktima mao si alyas Mary nga taga Tamugan Calinan ning siyudad samtang ang iyang kapuyo mao si Alvin David, 63 anyos, usa ka Alaskan national ug temporaryong nagpuyo sa Barangay Sto. Niño Mintal Tugbok District ning siyudad.
Base sa record sa Tugbok PNP, bandang alas-6 sa kagabhion samtang miuli na sa ilang gipuy-an ang maong complainant kalit siya gilaparo ug gibunalan og lingkuranan sa iyang kapuyo hinungdan sa pagkaangol sa maong babaye.
Rason sa foriegner kung ngano niya kini gibuhat mao ang wala pag uli sa complainant sa tukmang oras nga ilang nasabotan.
Sa kasamtangan wala pa madakpan ang maong respondent ug ang kaso gi refer una sa barangay level.
RadyoMaN Paul Canono
