General Santos City—Signit sa operatiba sa Police Station 3 ang usa ka babayeng lambigit sa iligal nga droga atol sa gihimo nilang buy-but opetation sa Jose Catolico Sr., Avenue, Barangay Lagao Gensan alas 8:30 ang takna kagabie, May 23, 2018.
Giila ang dinakpan nga si Judith Basence Garayanala Alias Joy, 39, residenti sa Block 9, Lot 10, Phase 1, Sarangani Homes, Barangay San Isidro, Gensan.
Nasayran nga napalitan ug (1) ka sachet sa gituohang shabu ang suspek gamit ang P500.00 nga marked maney sa usa ka babayeng pulis nga nagpakarong-ingnong poseur buyer.
Gilayon nga gidala sa presento sa Police Station 3 ang nasangpit nga suspek, ug samtang girikisa ang lawas niini laing (1) ka sachet sa gituohang shabu ang narekober kansa gisulod sa iyang bra.
Kasong kalapasan sa RA 9165 ang gikatakdang ipasang-at sa kapulisan batok sa nasangpit nga babaye.
