BACOLOD CITY – Nagapabilin nga Miss X ang isa ka babayi nga napatay matapos aksidente nga nabungguan sang isa ka single nga motorsiklo pasado las 12 kaina sang kaagahon sa atubang sang isa ka subdivision sa dalan Lacson, Bacolod City.
Ang biktima, ginabulubanta naga edad 35 tubtub 40, naga suksok sang maong nga shorts kag pula nga stripe t-shirt.
Suno sa first responder, ang biktima ang nagatabok sa dalan sang ini ang nabungguan sang motor kag nag-angkon sang mga pilas sa iya lawas kon diin gin-declare ini nga dead on arrival sa Regional hospital.
Angut sini, samaron man ang driver kag angkas sang motor nga nakabunggo sa biktima nga ginkilala nga sanday; Gerard Tangcua, 28, driver kag Pedro Layag, 34, lunsay single kag pumuluyo sang Silay City.
Ini sila nag-angkon man sang mga pilas sa ila lawas kag padayon karon nga confined sa regional hospital.
[image: image.png]
