Davao City- Gitakdang ipailawom sa otopsiya ang patay’ng lawas sa usa ka babayi human nakaplagang patay sulod sa comfort room (CR) sa ilang balay sa Sasa syudad sa Davao kagahapon sa hapon.
Subay sa imbestigasyon sa kapolisan Sasa, nakaplagan sa iyang igsoong lalaki ang biktima nga si alias Loren, 28 anyos sulod sa ilang CR nga wa nay kinabuhi alas 3:00 ang takna sa hapon.
Una niini namatikdan sa iyang igsoong lalaki nga si Danny nga misulod sa CR ang iyang igsoon nga nagbula-bula ang baba, apan natingala na lang siya nga wala na kini migawas human sa pipila ka minuto. Gumikan niini, ilang gipugos pagbukas ang pultahan sa maong banyo ug nakit-an ang nagbuy-od nga patay’ng lawas sa iyang igsuon.
Matud sa kapolisan kinahanglan ipa-otopsiya ang patay’ng lawas sa biktima aron masayran ang hinungdan sa kamatayon.
Kasamang Joel Viray
