Babaying gapameke sa LTO driver’s license, nasapon sa entrapment operation!

57
Ang babaying nasikop sa entrapment operation sa operatiba sa PS3 Agora tungod sa pagpameke og LTO driver's license / Photo credits to Marcus Aurelius

Malampusong nasikop ang usa ka babayi nga gapameke sa LTO driver’s license kagahapon sa mga alas 5:30 ang takna sa hapon.  Kini atol sa entrapment operation nga gilusad sa mga operatiba sa Agora Police diha sa 12th Street, Brgy. Nazareth ning syudad sa Cagayan de Oro.

Naila ang dinakpan nga 30 anyos nga babaying si Precious Sharleen Gallardo, minyo nga residenti sa 31st Street sa nasangpit nga Barangay.  Ang nasangpit nga suspetsado ang nakalapas sa Falcification of Public Documents by private individual ubos sa Revised Penal Code 172 ug sa Republic Act 4136 Transportation Law.

Nagsumikad ang gihimong entrapment operation tungod na sa reklamo sa usa ka Noel Catamora.  Matud pa ni-ini, nabiktima ang iyang mga kaubanan sa pagka-angkon og peke nga mga driver’s license nga gikan sa maong suspek.


Dugang pa ni-ini nga nagtuo silang nakig-transact sa usa ka legit nga runner kon fixer sa LTO kung diin nag promise nga makakuha sa lisensya sa kantidad nga 7,000 pesos.

Gilayong gilusad sa operatiba sa Agora Police ubos ni PCapt. Ernesto Sanchez ang entrapment operation nga maoy hinungdan sa pagka-aresto sa maong suspetsado.

Narecover gikan posisyon ni-ini ang 7 ka mga 1000 peso bill nga gilang kuban sa usa ka genuine 1000 peso bill ug 6 ka mga 1000 peso bill boodle money.



Sa pagkakaron detinado na ang suspetsado samtang giandam na ang tukmang kasong ipasang-at sa korte batok kaniya.

Kasama mo sa PS3 Agora, RadyoMaN Andy Coco, DXCC tatak RMN!


Facebook Comments