Davao City – Napasaka na sa Sta. Ana Police Station ang kasong Estafa batok sa babayi nga si Marie Ferrando, 50 anyos, taga Barangay Lapulapu, Agdao District, Davao City human nagpa cash-in og P15,000 sa usa ka tindahan nga gipanag-iyahan ni alias “Elyn”, apan wala siyay kwarta nga gikabayad, nahitabo niadtong Nobyembre 27, 2023 sa Agdao Public Market, syudad sa Davao.
Sa pakighinabi sa DXDC RMN Davao kang PLT Col. Ronald Lao Station Commander sa Sta. Ana Police Station gisulti niya, modus ang gihimo sa suspect og daghan na ang mga nabiktima sa pagpangilad pinaagi sa pag cash-in nga dili mobayad.
Subling nagpahimangno si Lao sa mga Dabawenyo, ilabi na sa mga nanag-iya’g tindahan kung adunay magpa-cash in nga mga costumer, mas maayo nga kuhaon daan ang kuwarta aron masiguro nga dili mabiktima sa modus.
“Klarohon una kung naa ba ang kuwarta, ing-ana nga panghitabo file-lan gyod na og kaso pod para diha diha dayon marecover pa nato ang kuwarta o manawag sa pulis”,sulti ni Lao.
RadyoMaN Don Pulayao
Facebook Comments
