Davao City – Gidakop ang usa ka babayi nga mao si Shirley Budlat Acog, 27 anyos nagpuyo sa Barangay 6-A Bucana human kini misulod usa ka tindahan ug nangawat og beer.
Sa blotter sa San Pedro PNP, nagpatala ng complainant nga si Maria Luz Casinto Baldidumar, tag iya sa maong tindahan, nga bandang ala una ganinang kadlawon wala niya mabantayi nga aduna diay laing plano ang suspek nga kawatan sa iyang balay ug gihulat lang kini nga makatagpilaw.
Sa pagpiyong sa complainant aron mopahulay didto na nakapahimulos ang suspek ug gisulod ang tindahan niini.
Nagdala ug laing kauban ang suspek na naila na si alyas MJ ug ilang gidayongan ang pito ka dagkung botilya sa beer.
Atol sa ilang pagpanagawat, nakabantay ang amahan sa complainant nga adunay mga kasikas sa ilang tindahan ug naabtan niya kining duha ka mga kawatan.
Nakadagan si alyas Mj apan na korner kini si Shirley.
Gisikop gilayon ang suspek ug temporaryong gi kustodiya sa buhatan sa kapolisan sa San Pedro.
Kasong qualified theft ug illegal trespassing ang posibleng ipasaka nga kaso ngadto sa dinakpan.
RadyoMaN Paul Canono
