Babaying napuno sa dinunggaban napalgang patay sa bodega

78

Davao City – Patay ang 50 anyos babaying intsik human nakaangkon ug samad dinunggaban sa nagkadaiyang parte sa lawas alas 9:00 sa gabii nga wa nay kinabuhi sulod sa WJF Warehouse sa Bangoy St., Brgy.Tomas Monteverde, syudad sa Davao.

Subay sa report sa Sta. Ana Police Station, naila ang biktima nga si Xu Li Zhen, residente sa nasangpit nga lugar.

Segun sa pasiunang inbestigasyon ni P/Cpl. Logronio , Sta. Ana Police Station Investigator, gisulti sa anak sa biktima nga si Mr.Wang Wenhuan nga nibalik siya sa ilang bodega ug iyang namatikdan nga wala naka-lock ang gate ug nagkatag na ang mga gamit ug iya na lamang nakita, ang iyang inahan nga nagbuy-od na sa semento nga nagkadugo ug ang usa ka improvised nga gunting (scissors) nga anaa duol sa lawas sa biktima.

Matud ni Logronio, nahanaw ang P1,000,000.00 nga salapi nga gipanag-iyahan sa biktima.

Gihatud pa sa Southern Philippines Medical Center (SPMC), apan gideklara sa mga attending physician nga dead on arrival. Kapolisan sa Sta. Ana nagpadayon pa sa ilang inbestigasyon aron madakpan ang suspetsado sa krimen.

RadyoMaN Don Pulayao

Facebook Comments