Baboy kag mga pork products halin sa mga banwa sang South Cotabato nagapadayon, apang syudad sang Koronadal indi pa makapaggwa.

Wala sang restrictions ang paggwa sang baboy kag iban pa nga pork products sang South Cotabato sa subong magluwas lang sa syudad sang Koronadal nga indi pa pwede makaggwa sa sulod sang 90 ka adlaw umpisa sang nadetect ang pagpositibo sang baboy nga ginbakal sa Sulop sa African Swine Fever.

Suno kay Provincial Veterinarian Dr. Flora Bigot sarang lamang makaggwa ang baboy kag pork products sang Koronadal pagkatapos sang 90 ka adlaw kon masiguro nga negatibo sa ASF ang ibutang nga centennial animal sa area nga ginbutangan sang baboy nga nagpositibo sa nasambit nga balatian.

Samtang suno kay Dr. Byron dela Cruz, meat inspection Officer sang Provincial Veterinary Office bag-o mapaggwa ang baboy kag iban pa nga pork products sang mga banwa sa probinsya ang may-yara dapat sang nagakaigo nga dokumento kapareho sang veterinary health certificate, transport permit kag iban pa.


Facebook Comments