Davao City – Temporaryong gikustodiya sa Philippine Coast Guard Davao, ang baby whale human nasangit sa pukot sa baybayon sa Dumalag, Matina Aplaya, Davao City, sumala sa Ecoland Police Station.
Sa interview sa DXDC RMN Davao kang Police Major Noel Villahermosa, Hepe sa Ecoland Police Station gisulti niya, ginahulat pa sa Coast Guard Davao ang mga personahe sa Bureau of Fisheries and Aquatic Resources (BFAR-XI).
Segun ni Villahermosa, ang BFAR maoy mohimo og saktong aksyon aron mapatambalan ang maong gamay’ng balyena.
Kahinumduman nakit-an na lamang sa mga mananagat ang maong balyena alas 5:00 sa buntag March 5,2024 nga naglangoy-langoy kilid sa baybayon sa nasampit nga lugar ug gibana-banaang adunay gitas-on nga 17 to 18 feet. Namatikdan usab nga nakaangkon og daghang samad sa ulo ang nahisgutang babay whale.
RadyoMaN Don Pulayao
Facebook Comments
