Daghanan ang naangol apil ang usa ka 3 anyos nga bata, apan walay napatay sa dihang nabalintong ang usa ka Bachelor Bus nga gikan pa sa Surigao City. Nabalintong ang Bus, human kini gibanggaan sa usa ka dumptruck nga puno sa buhangin nahitabo kagabei sa may Barangay Mahay, unahan sa may Macapagal Bridge, Butuan City. Apan hinuon, Luwas na ang 15 ka mga pasahero apan padayung giatiman sa MJ Santos Hospital ang 4 pa kanila nga sakay sa Bachelor Bus nga nagbyahe gikan sa Surigao city padulong sa dakbayan sa Butuan human nabanggaan ug dumptruck sa national highway sa Brgy. Mahay ning syudad sa Butuan, bandang alas 6 ang takna sa saying gabie. Nabalintong ang Bachelor bus nga nagdala sa body number 3110 tungod sa kakusog sa impact sa pagbangga sa dumptruck nga nagkarga ug balas nga gipanag-iyahan sa C’Zars Construction company. Daling nakarespondi ang SWAT sa PNP, ambulansya sa syudad, Phil. Red Cross ug nasayran nga si kanhi Mayor Jun Amante maoy unang naka-respondi. Gibalhug sa selda sa Police Station 1 ang driver sa dumptruck nga si Richie Cerbo ug gihimakak niini ang alegasyon nga nag-text siya samtang nagmanehu sa dumptruck maong wala nabantayi ang paghunong sa bus. Gibasul usab niya ang driver sa bus nga matud pa wala mo-signal sa iyang paghunong mao’ng iyang nadumbulan ang likod nga bahin niini. Giila ang padayung gitambalan sa MJ Santos Hospital nga sila si Sarah Calamba, Adrian Balan, Lina Alabat ug Uy. Sent from my Samsung Galaxy smartphone.
