Davao City – Gumikan sa nihit nga oportunidad dinhi sa nasud Pilipinas, namahimong desperado ang katawhan nga mag-abroad.
Kini mao ang paglantaw karon ni Inorisa Elento sa Mindanao Migrants Center sa pakighinabi kaniya sa tulumanong ‘Straight to the Point’ diin matud niya nga lantawon ug bantayan og maayo ang mga ‘exit points’ sama sa Zamboanga City ug Surigao area aron dili na motaas.
“Labi na ning mga batan-on nga wala kabala sa tarong nga pamaagi sa paggawas (abroad) maong taas ang (kaso sa) pag-abuso,” dugang ni Elento.
Gani, mi-uyon ang focal person sa Mindano Migrants nga i-ban ang nasud Kuwait sa hingpit lang ug tan-awon sa gobyerno ang ‘strategic positioning’ sa pagnegosyar sa mga receiving nasud nga ga-dawat og OFWs.
“Dapat naay multilateral agreement diin respetoan nila ang OFWs, tagaan og katungod ug pagpatuman sa mga kontrata kun mga agreement nga gipirmahan nila.”
RadyoMaN Jason Amisola
