Dali nga mitaho sa kapulisan sa Sibuco ang usa ka construction worker sa BENRAM Construction Company may kalabutan sa gikaingon nga nasunog ang usa ka backhoe nga anaa nahimutang sa Sitio Logpond, Brgy. Pob. Sibuco.
Matod pa ang maong backhoe gisunog kini sa wala mailang indibidwal ug ila nalang nabantayan nga nagdilaab na ang maong ekipo.
Dali kining ge respondehan sa Sibuco MPS uban sa 42nd IB aron sutaon ang maong panghitabo sa lugar asa nahitabo ang pagpang sunog.
Naabtan sa mga tinugyanan sa balaod nga sunog na ang maong backhoe sa BENRAM Construction Company. Nasayran nga ang maong ekipo gimaneho kini ni Felix B. Cristobal, 35 anyos nga taga Brgy. La Paz, Zamboanga City ug naghimo kini sa pag quarry sa nahisgutan nga lugar human sa iyang trabaho iya kining gi parada dili layo sa iyang gitrabahoan.
Na surprise nalang ang si Felix sa dihang pagbalik niya pagka buntag aron unta mo trabho apan unsa paman ang iyang gamiton tungod kay nasunog na kini ug dili na magamit.
Kasamtangan karong naghimo ug makuting imbistigasyon ang Sibuco PNP aron masayran ang tinuod nga hinungdan ug si kinsa ang nagpaluyo sa nahitabong pagsunog
