Sa interbyu sa DXDC RMN Davao kang Police Lieutenant Colonel Kristopher Sabsal, Chief of Police sa Sta. Cruz Municipal Police Station (MPS), giila niini ang biktima nga si Ethel Evarolo, 25 anyos, residente sa Sitio Lubo, Brgy. Zone II, Sta. Cruz, samtang ang driver ug bana sa biktima mao si Jo Mark Ugduracion, 27 anyos.
Sa inbestigasyon, nagbiyahe ang duha sa dihang kalit nga nipaak ang insekto sa biktima ug didto na nawad-an og balance ang motor rason sa pagkatumba sa sakyanan.
“Nag back ride man siya sa iyang bana. Unya nagbinabae ang iyang pagsakay ba. Pagpaak daw sa (insekto) according sa iyang bana, mao ‘to nakabuhi siya,” saysay sa pulis.
Nadala pa sa hospital sa Sta. Cruz ang duha human nakaangkon og samad sa lawas apan nakabsan ra usab sa iyang kinabuhi ang backrider.
RadyoMaN Kirby Manzon
