Davao City – Adunay ginapang apod-apod nga mga backyard seedlings ngadto sa mga mag-uuma nga apektado sa El Niño weather phenomenon ilabi na sa probinsya sa Davao del Sur human gipailawom kini sa ‘state of calamity’ tungod sa dakong damyos nga natala sa agrikultura sa lugar.
Sa nahitabong AFP-PNP presser, gibutyag ni Roy Jose Pascua, focal person sa Davao Reduction Disaster Risk Reduction and Management sa Department of Agriculture XI nga nagapanghatag na ang provincial agriculture sa mga apektadong mag-uuma ug aduna usab ginahatag ang ilang buhatan mismo isip dugang sa supply sa backyard seedlings.
“Not necessarily doble (ang madawat nga seedlings sa mag-uuma) pero i-augment lang namo tong among ihatag sa province, muhatag man mi sa ila,” sumala ni Pascua.
Gani segun niini nga dili man igo ang seedlings aron makasugakod sa distrosong dala sa El Niño, aduna man usab ginapadala nga dugang stocks sa mga liso ang mga kasikbit nga rehiyon ingon man ang national office.
Samtang ginastudyohan usab nila ang pag subsidiya sa gasolina sa ginagamit nga open source pump sa mga apektadong lugar sa rehiyon.
RadyoMaN Renz Barbarona
