Nagpasar ang City Development Council (CDC) nga ginapamunuan ni Bacolod City Mayor Evelio Leonardia sang Supplemental Investment Program for COVID-19 measures nga nagabalor sang P160 million.
Pagagamiton ang budget sa pagbakal sang dugang nga personal protective equipments, test kits kag welfare goods.
Nalakip man sa budget ang P20-million Regional Hospital bio-laboratory testing facility.
Iga-endorse sang CDC ang Supplemental Investment Program sa Sangguniang Panlungsod bwas, April 22.
Ang P119 million supplemental fund ang pagakuhaon sa additional one-month Internal Revenue Allotment (IRA) sang Bacolod, sandig sa “Bayanihan Grant to Cities and Municipalities” nga una na nga gin-approve ni Pangulong Rodrigo Duterte.
Kuhaon naman sa savings ang nabilin nga balor sang supplemental fund.
