BACOLOD CITY – Gin-aprubahan sa regular session sang Sangguniang Panlungsod ang resolusyon nga magahatag sang cash incentive ukon reward sa mga atleta sang ciudad sang Bacolod sa nagapadayon nga 2017 Palarong Pambansa sa probinsya sang Antique.
Sa interview sang DYHB, ginpahayag ni Councilor Caesar Distrito, chairman sang Committee on Finance sang SP, nga dapat nga hatagan sang pagkilala ang mga atleta nga nagahatag naman sang kadungganan sa Bacolod.
Paathag ni Distrito nga kon wala na sang sobra ang 3.5 million pesos nga una gin allocate sang ciudad para sa Palarong Pambansa, bilang chairman sang komitiba, iya pangitaan kon diin makuha ang pondo para sa mga atleta.
Nahibaluan nga sa kabug-usan nga 650 ka players sang Negros Island Region – NIR, halos katunga diri ang naghalin sa Division of Bacolod kag may nasungkit nga mga medalya.
