Bacolod City – Nakakuha sang injunction si Bacolod City Mayor Evelio Leonardia subong gid lamang nga hapon sang Huwebes gikan naman sa Court of Appeals Visayas, 18th Division.
Ang CA ang ang naggrant sang iya application for writ of preliminary injunction matapos nga ang Office of the Ombudsman ang nagdagdag sang dismissal order sa iya sa December 13, 2016.
Ang injunction ang napetsahan March 22, duha ka adlaw antis naman maglapse ang 60-day temporary restraining order (TRO) kag pirmado ni Associate Justice Germano Francisco D. Legaspi.
Ini ang may angot sa pila ka mga irregularities nga nakit-an sang Ombudsman sa pagbakal sang office equipment, furniture and fixtures nga nagabalor sang P49 million sang 2008.
Sa 21-page joint resolution nga pirmado ni Ombudsman Conchita Carpio-Morales, nakit-an ang probable cause sa paglapas Republic Act 3019 (Anti-Graft and Corrupt Practices Act).
Nagfile sang motion for reconsideration ang mga abogado ni Leonardia sang January 11.
Magluwas kay Leonardia, una na nga ginserbihan sang dismissal order ang siyam pa gid ka mga city officials kag empleyado, nga sa ulihi ginpatuman gid sang Department of Interior and Local Government ukon DILG.
Ini mga katapo sang Bids and Awards Committee (BAC) nga sanday Atty. Goldwyn Nifras (chair), Luzviminda Treyes (vice chair), Nelson Sedillo and Melvin Recabar (secretariat head); kag technical working group members nga sanday Eduardo Ravena, Jaries Ebenizer Encabo, Belly Aguillon, Aladino Agbones; kag city treasurer Annabelle Badajos.
Suno sa Ombudsman, guilty si Leonardia kag pila ka mga empleyado sa kaso nga grave misconduct kag gross neglect of duty sa paglapas sa procurement law, kag ginpaboran naman ang supplier nga Comfac Corporation.
Ang penalidad amu naman ang forfeiture of retirement benefits, perpetual disqualification from holding public office kag cancellation of civil service eligibility. /dyHB Bacolod
