Bacolod napilian sang World Bank bilang isa sa pilot cities para sa development assistance

15

Napilian sining karon lang sang World Bank ang Bacolod City bilang isa sa pinili (selected) nga mga pilot cities para sa ila sini Green and Resilient Development Program.

Ginpahayag nga isa ini ka technical assistance program nga gindihon para sa pagpabakud sang competitive capabilities sang mga kaciudaran bilang kabahin sang COVID-19 Economic Recovery Program.


Nahibaluan nga ginapili sang WB ang mga pilot cities sa Pilipinas upod ang Department of finance, National Economic and Development Authority (NEDA) kag ang League of Cities of the Philippines.

Ginpahayag sang alkalde sang Bacolod nga ang ano man nga development assistance halin sa mga international institution ang hugot nga gina-abi abi sang ciudad kon diin sa atubang sang pandemya, mas ginakinahanglan kag tuman ka importante ang kaangay nga assistance.

[image: image.png]

Facebook Comments