Davao City – Kayang hinloan sa gidiling droga aron mamahimong drug-free ang Pilipinas una pa man matapos ang termino ni Pres. Rodrigo Duterte.
Sumala sa tigpamaba sa Philippine Drug Enforcement Agency (PDEA-XI) Noli Dimaandal, kung motabang gayud ang katawhan sa maong kampanya mamahimong libre sa gidiling droga ang nasod.
Giingon ni Dimaandal usa sa gihingusgan nga kampanya mao ang pag-aktibo sa Barangay Anti-Drug Abuse Council (BADAC) tungod kay sila ang first line of defense aron masumpo ang droga.
Samtang giklaro usab ni Dimaandal kung dili epektibo ang BADAC sa matang barangay sa nasud, lisod makuha ang giingong 50 porsento sa kapin 40 ka mga barangay sa Pilipinas nga kontamindo na sa gidiling droga. Giingon sa tigpamaba sa PDEA-XI, bugtong ang BADAC maoy adunay dakong partisipasyon sa kampanya tungod kay sila ang nasayud kung kinsa nga mga tawo sa komunidad ang nalambigit sa operasyon sa gidiling droga.
RadyoMaN Bernard Pantallon
