New Washington, Aklan – Gin aresto it mga otoridad rong sangka mekaniko matapos nga mabue-an it baril, bala ag granada sa andang baeay kat raya hay ginserbehan it search warrant kainang agahon sa Sitio Bogacay, Brgy. Jalas, New Washington, Aklan.
Rong suspek nakilaea kay Jimmy Ramos, 62-anyos ag residente man it nasambit nga lugar.
Rong serach warrant hay gin isyu ag gin permahan ni Honorable Judge Bienvinido Barrions, Executive Judge it Regional Trial Court, Branch 3, Kalibo,Aklan.
Sa pag serach it mga kapulisan, una nga narecover rong 38 caliber nga baril sa kwarto ag may ap-at raya ka mga bala kaman man ap-at ka bala it calibre 45.
Sunod nga narecover, rong M26 nga granada sa kwarto it anang unga kung sa siin insigida raya nga gintawgan it maga assist pinaagi kay PEMS. Benjie Repedro it Explosive Ordinance Division (EOD).
Samtang sa pihak nga parte, ginpamalibaran mat-a ni Ramos nga ana ro nasambit nga mga narecover nga baril ag granada kung sa siin haum man imaw nga magpa finger print ingkaso nga kinahangeanon.
Nagpamalibad man imaw nga mag perma sa inventory sheet. Nasayuran man it News Team nga rayang si Ramos hay sangka drug surrenderee it barangay ag ginaturong suspek ukon driver sa motorsiklo nga gin sakyan it gunman nga nagbaril Roljun Tejada ko nagtaliwan nga buean it Agosto kung sa siin nahapasakaan it kasong Homicide pero naka pyansa raya.
Bangud kara Ramos hay magapangatubang it kasong pagbayolar sa RA 10591.
#TatakRMN <www.facebook.com/hashtag/tatakrmn?source=feed_text&epa=HASHTAG&__xts__%5B0%5D=68.ARBBFKSPKBdrWbmdjANDSA1kz2387H_earxBhLPiTMW_m6XMJvg2izVp3HeO9T4RL09lKuaPR5Rp6yKt3InwVB2fa3Qr1DN-kuKRA4quR-YSWS-oMQy_…>
