TACLOBAN CITY – Nagdesisyon na an Dept. Of Labor and Employment (DOLE) Region 8 ngan Regional Tripartite Wages and Productivity Board (RTWPB) nga paghimangrawan an minimum wage adjustment ha Rehiyon.
285 pesos an minimum wage para ha mga nagtatrabaho ha Private Sector pero ini in nakakabuho ha bursa ilabi na nga humitaas na iton kantidad han mga parapliton yana durot han Tax Reformation for Acceleration and Inclusion (TRAIN) law.
Sadang ba an 285 pesos kada adlaw para mabuhi an imo pamilya?
Ha interview han RMN kan DOLE Regional Director Joel Gonzales, kinahanglan na hin konsultasyon tikang ha publiko ilabi na ha management, labor ngan private sector kun kinahanglan na nga dugngan ngan pahitaason an minimum wage ilabi na nga pasakit daw an TRAIN law ha mga pribado nga magtatrabaho.
“Mayron na ngang epekto itong TRAIN law sa mga bilihin, unang-una sa gasolina at iba pang sakop ng TRAIN law. At gayon din ang TRAIN law ay nagbibigay na rin ng effectivity doon sa mga exemption ng tax. Kaya nga ang board ay nagdecide na ngayon na magkaroon na tayo ng public consultation at saka public hearing upang dinggin ang ating mga sektor patungkol doon sa ating minimum wage.”
Sunod na nga semana titikangan han DOLE an public consultation, ha Marso 14 in aadto hira ha Catarman, Northern Samar, Marso 15 Catbalogan City, Samar, Marso 16 Borongan City, Eastern Samar, Marso 21 Ormoc City, Marso 22 Maasin City, Southern Leyte ngan ha Abril 3 mahihinabo an public hearing dinhi ha Tacloban.
Dugang ni Director Gonzales, posible yana nga mayo mayada na bag-o nga minimum wage an Rehiyon 8.
Kun humitaas man an minimum wage dinhi ha Region 8, naglalaum an mga magtatrabaho nga ma-ipatuman ngan magsunod an pribado nga sector ha mando han DOLE.
