TACLOBAN CITY – Matapos an ginbuhat nga Provincial Consultation han Regional Tripartite Wages and Productivity Board (RTWPB) ha Rehiyon durante ha plano nga pagdugang ha minimum wage ha Eastern Visayas in nagresulta ini hin rekomendasyon ngan suhestyon tikang ha mga employers ngan magtatrabaho nga ma-adjust an minimum wage ha Rehiyon.
Sumala kan RTWPB Chairperson ngan Regional Director han DOLE nag hi Joel Gonzalez nga basi ha konsultasyon, an board in paborable nga ig-adjust an minimum wage pero waray pa partikular nga amount kun pira.
Pagkatapos han pagbubuhaton nga public hearing ha masunod nga mga semana in pag-iistoryan han board han RTWPB kun diin gin-eekspektaran nga magkamay-ada na hin desisyon ha minimum wage hike.
Dugang pa han opisyal nga posible nga maimplementar an pagdugang ha minimum wage sunod nga bulan.
Ginpanginano ha kunsultasyon an Economic Condition pagbag-o ha presyo han mga parapliton ngan serbisyo mahitungod han bag-o nga Tax Reform ngan an impact han pag-adjust han minimum wage ha mga magtatrabaho ha mga empleyado ngan negosyante.
