Magapaguwa na lang sang bag-o nga quarantine pass ang Brgy. Mansilingan sa Bacolod matapos nga gin-alegar photocopy ang ila una nga ginpanghatag sa pumuluyo.
Sa interview sang DYHB kay Punong Barangay Boy Pico, ginpanginwala sini nga photocopy ang ila quarantine pass matapos nga ini ang na-misinterpret sang mga nagabantay nga pulis sa checkpoint sa Bangga Laurel.
Sa paathag ni Pico, black and white nga risograph printout ang ila ginpanghatag bangud mas dako ang ila nga makinot nga kwarta, sang sa colored printouts.
Suno pay kay Pico, magamit pa nila sa pagbakal sang food packs ang makinot nila nga kwarta apang bangud nga gin-ulan na ang barangay sang reklamo, nagdesisyon sila nga mag-print na lang sang colored quarantine pass kag ipanagtag liwat sa mga residente.
Alas-3:00 sini nga hapon, nagalaum si Pico nga makapanagtag na sila sang bag-o nga kopya sang quarantine pass.
[image: image.png]
