General Santos City—Takda nang sugdan ang pagtukod sa bag-ong building sa Police Station 8.
Anaa sa 7 ka bulan ang target sa mga kontraktor sa pagbuman sa 2 storey building sa Police Station 8, diin kagahapong adlawa gihimo ang ground breaking ceremony niini sa Barangay Tinagacan, Gensan.
Sumala pa ni Police Captain Robert Fores ang hepe sa Police Station 8 nga ang maong gambalay ang gipunduhan ug 6.4 million ka pesos gikan sa Philippjne National Police Head Quarter human nga na turn over na ngadto sa Police Station 8 ang luna nga 1000 sqm. nga gidonate sa kanhing kapitan sa Barangay Tinagacan nga si Kapitan Panayaman.
Samtang giangkon usab ni Capt. Forres nga tungod sa maong gambalay nga itukod nakapataas kini sa moral sa iyahang sakop hinungdan nga mas ganahan pa sila motrabaho.
Pinaagi sa maong gambalay wala nay rason ang kapulisan sa Police Station 8 aron nga mag pa hinay-hinay sa trabaho tungod kay nakita man usab nila ang suporta nga gihatag kanila sa ilang National Headquarters. (Dave Silagan)
