Ubay-ubay ang gipasidungggan nga mga Person in Authorities, Warden, ug mga hepe sa Bureau of Jail Management and Penology (BJMP)- IX. Ang maong pasidungog mao kini ang 4th quarter sa tuig 2017 kun si kinsa kadtong mga maayong mga kawani ug mga opisina sa BJMP sa Regional level.
Sa gipagawas nga Memorandum sa BJMP-IX giawhag ang mga nakadawat ug pasidungog nga personal gayud mo adto sa Regional Office sa BJMP nga anaa nahimutang sa brgy. Lenienza, Pagadian City, aron dawaton ang maong award.
Dili palang dugay nadawat na nila ang ilang pasidungog atol sa gihimong 4th quarter Press conference niadtong nakalabyang semana.
Ang mga mo sunod mao kini ang nakadawat ug pasidungog sila si S/INP Roland T. Lucas best district Jail Warden, Insp. Egbert Nagrampa Best City Jail Warden nga mao karon ang kasamtangan nga City Jail Warden sa Dipolog, SJO4 Jessie V. Fanilag Best Municipal Jail Warden, Ins. Anastacia G. Musil Best Female Warden, Ipil Distric Jail, Best District Jail.
Samtang dinhi sa Zamboanga del Norte nakadawat usab ug pasidungog ang Dapitan City Jail, isip Best City Jail lakip ang Liloy Municipal Jail isip Best Municipal Jail ug daghan pa nga mga Jail Officer ang mga nakadawat ug minor nga award.
Samtang sa laing bahin lauman usab nato ang mga kabag-ohan dinhi sa city jail sa Dakbayan sa Dipolog human milingkod ang bag-ong city Jail Warden nga si INSP. Eqbert I. Nagrampa niadtong Enero 10, ning tuiga.
Matod pa ni Nagrampa nga plano niini nga mahimo siyang mas mabinantayon og mas estrikto sa mga palisiya ug uban pa alang sa kalamboan sa Dipolog City Jail.
