Labangan, Zamboanga del Sur – Pormal na nga nilingkod kagahapon ang bag-ong Commander sa 1st Infantry (Tabak) Division, Philippine Army human sa gipahigayon ng Change of Command Ceremony didto sa Camp Major Cesar Sang-an Grandstand sa lungsod sa Labangan, Zamboanga del Sur .
Ang naasoy nga seremonya gipangunahan ni Lt. Gen. Macairog Alberto, Commanding General sa Philippine Army nga maoy nahimong pinasidungan nga bisita sa okasyon.
Gipulihan ni BGen. Roberto Ancan, si Maj. Gen. Roseller Murillo, nga niretiro na sa serbisyo kagahapon human misilbi sa 36 ka tuig, pulo ka bulan ug pito ka adlaw sa AFP.
Sa mensahe sa niretirong heneral, iyang gitunol ang iyang pasalamat sa iyang mga sakop isip maoy nangulo sa Division.
Samtang gipaniguro usab ni B.Gen. Ancan nga iyang ipadayon ang programa nga nasugdan sa Division pinaagi sa tabang ug suporta sa lian-laing sector sa katilingban ug sa labawng Diyos nga gamhanan.
Gidugang sa bag-ong commander, nga kinasing kasing niyang gidawat ang katungdanan nga gisangon kaniya sa bag-ong posisyon.
