Bag-ong firetruck ug rescue vehicle nga gikan sa national government, pormal na nga giturn-over ngadto sa Pagadian City Central Fire Station

32

Pagadian City – Pormal na nga giturn-over kagahapong adlawa sa kagamhanang local sa Pagadian ang bag-ong Isuzu firetruck ug ang rescue vehicle nga gikan sa national government ngadto sa Pagadian City Central Fire Station.
Kahinumdumang usa ang syudad sa Pagadian sa tibook Pilipinas nga gihatagan ug brandnew nga firetruck kaniadtong Pebrero 11 didto sa Camp Aguinaldo Metro Manila.
Mismong si Pagadian City Mayor Samuel S. Co ang nanguna sa blessing and turn-over ceremony ug mitunol sa yawi ngadto kang City Fire Marshall C/Insp. Dionisio Cayudong Jr isip pagtugyan sa katungod ngadto sa nasangpit nga firetruck ug rescue vehicle..
Mokabat sa 2,500 ka gallon nga tubig ang makarga sa maong firetruck.
Misaksi usab sa maong blessing and turn-over ceremony si Provincial Fire Marshal C/Insp. Alfonso Timosa ug pipila sa mga konsehales sa syudad.
Sa mensahe sa mayor, aminado siya nga lisod kaayo kung adunay sunog dinhi sa syudad gumikan kay dali lamang kini nga makakuyanap ngadto sa kasikbit nga building o bisan pa ang tibook Barangay.
Gilaumang sa sunod nga mga panahon, aduna pay dugang firetruck nga madugang ang syudad sa Pagadian.
(Photo: Belle Quibra)

Facebook Comments